منتدى الشهيد ابانوب والشهيد ونس

منتدى الشهيد ابانوب والشهيد ونس

افلام مسيحية صور مسيحية ترانيم مسيحية كليبات مسيحية وقصائد وبرامج ومداح


    دليل يسوعنا لكل عروسة مقبلة على الزوااج

    شاطر

    نونو الشقية

    انثى الحصان
    عدد المساهمات : 5
    نقاط : 15
    تاريخ الميلاد : 14/11/1978
    تاريخ التسجيل : 18/02/2011
    العمر : 38

    دليل يسوعنا لكل عروسة مقبلة على الزوااج

    مُساهمة من طرف نونو الشقية في الجمعة فبراير 18, 2011 2:32 pm


    انهاردة جايبة ليكم موسوعة متجددة لكل بنوتة بتستعد للزواج ويارب تعبجكم,وهتبقى شاملة اقسام متنوعة وشاملة ,هتبقى شاملة كل امور الاستعداد للجواز وتنظيم شقة العمر وهنطلع كل شوية بفواصل عن صور لفورم شعر وفساتين خطوبة وافراح واكسسورى وغيرة

    تنبية _اللى يدخل ميتعبش ويدعى عليا المشوار قدامنا طويل ههههه بلاش دعاء عليا وحياتى smile132: هههه
    يلا نبدا يا بناويت







    آنستي العزيزة .. لو ربنا فك عقدتك .. واتخطبتي .. فإليكِ نصائحي


    حتى تأخذي بخطيبك من مركب الخطوبة إلِّي محدش عارف


    هاترسى على إيه .. إلى مثوااه الأخير في قفص النسانيس


    قصدي قفص الزوجية السعيد ..


    أجمل ما في الخطوبة العزومات الرومانسية .. على أحلى محلات أكل في البلد .. واللي عمرك مانتي شايفاها بعد الجواز .. المهم نصائحي لك عند أي عزومة مع خطيبك .. قلنا رقَّه




    1 الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًا


    2 العيش أوعي تفضحينا وتقطعيه بسنانك .. ولا الرغيف نصين بإيدك وكل نص لقمة وتحشري .. أوعي .. العيش بيتقطع بالسكينة في الطبق .. وبعدين تاخدي لقمة .. لقمة .. بالعافية .. قال يعني نفسك مسدودة .. اضغطي على أعصابك جدا وبعدين لما تروَّحي .. إبقي حِفِّي زي ماانتِ عايزة




    3 الشوربة .. أبوس كعب رجلك .. بند الشوربة ده مهم جدًاا الشوربة تتشِرب من غير صوت خالص .. ومن غير ماتقعدي تنفخي فيها .. زي القهوجي اللي بينفخ في الحجر للزبون .. وطبعًاا عايزِك تنسي تمامًا .. السلطانية اللي بتقيميها على بقك في البيت وتدلدقي على روحك .. بالمعلقة وبدون صوت .. سخنة, ولعة , برضه بدون صوت وتسيبي تلت الطبق ع الأقل .. مش تميليه .. عشان تلهطيها لآخر نقطة




    4 الرز طبعاً .. بيتّاكل بالشوكة .. أوعي إيدك تتمد على المعلقة وتغرفي من طبق الرز وتعبّي .. إوعي .. الرز بالشوكة .. وكإنك بتبوسيه مش بتاكليه




    5 المكرونة .. الاسباجتي .. برضه بالشوكة .. تتلف على طرف الشوكة .. لحد ما تخلص وبعدين تحطيها ف بؤك من سكات .. مش تشفطي المكرونة عود عود


    6 السمك .. مشكلة .. شوفي .. بتفصلي اللحم عن الشوك إزاي .. ؟ تقطعي اللحم من النص .. بالطول وبعدين تفردي اللحم على الجانبين ولما تخلصي ناحية .. متقلبيش السمكة .. بلاش فلح شيلي السلسلة بالشوكة والسكينة وحطيها في جنب الطبق وكملي أكل النص التاني .. وبدل الفيلم الهندي ده .. نصيحة ماتكليش السمك خالص .. قولي مابحبش السمك وخلصي نفسك




    7 الجمبري .. -إذا كنتي عارفاه- .. أول ماطبق الجمبري ينزل .. بصيله بقرف واحتقار شديدين .. آل يعني زهقانة من كتر أكل الجمبري الجامبو ف بيت بابّا .. واتنهّدي جامد وقولي .. برضه .. ؟ وتروحي قاطعة راس الجمبريّاية .. بالشوكة .. أنا ف عرضك إنسي المصمصة دلوقتي




    8 البطاطس سواء مسلوقة أو محمرة .. أوعي تهرسيها وتدبيها على الرز وتدّي .. لا .. لآ .. لآ .. بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي




    9 الفاكهة .. لو الفاكهة فيها بذر .. طلعيه من بؤك بالراحة وحطيه في إيدك وهي مقفولة .. وبعدين في طفاية السجاير اللي ع الترابيزة أوعي ياحبيبتي من نظام التفتفة للبذر .. إنسي


    10 ولما تخلّصي أكل تحطي إيدك على بطنك .. -اللي عصافيرها بتصوصو من العينات اللي كلتيها- .. وتقولي له مش ممكن .. أنا عمري ما اتفجعت كدة .. أنا قدامي أسبوع .. هابطّل أكل فيه وبعدين تمسكي الفوطة اللي دايمًا موجودة على التربيزة من غير لزمة .. وتبوسيها .. آل يعني بتمسحي بؤّك وبعدين تستأذني منه لإصلاح ماكياجك .. وتخشي التواليت وتطلعي من شنطة إيديك .. لفة الفول والطعمية اللي جايباها معاكي ..

      الوقت/التاريخ الآن هو الأربعاء ديسمبر 07, 2016 3:39 am